【新車速報】又有Mellor Orion低地台小巴扺港喇!

世界潮流浩浩蕩蕩,「無障礙運輸」喺過去幾十年係全球各個先進國家城市不可逆轉嘅趨勢,而香港作為自詡「國際都會」嘅井,喺呢方面其實頂多都只算係「中規中矩」,其中香港嘅公共小巴仲係到近年先至有敢於行動嘅經營者走出第一步。

身為香港人,當講到「低地台小巴」呢五個字,如果唔計嗰款實際上係中型巴士嘅Optare Solo M790…

28/5 楊民翠 Carina Yeung 點點試坐Optare Solo低地台小巴

Posted by HK Bus Channel 巴士台 on Monday, 28 May 2018

可能都暫時係加多一款被香港政府各相關部門橫加阻撓幾年先至心有不甘咁批出牌照嘅 EVM 車身平治(Mercedes Benz)Sprinter 516CDi。

正當香港政府相關部門固步自封咁維繫住既得利益者嘅著數,2021年6月,香港嘅 「瑞龍綠運有限公司」就決心「捨易行難」,引入Mellor Coachcraft生產嘅Mellor Orion低地台小巴。

呢一款Mellor Orion低地台小巴利用Fiat Ducato作為基礎,喺歐洲除咗係作為低地台公共交通車輛,亦係合乎福祉車之用。車身尺寸為 7470 x 2200 x 2600mm(L x W x H),4890mm嘅軸距聽落好長,但廠方資料顯示迴旋半徑其實同坊間用開嘅兩大日本牌子高地台小巴相差唔遠——經過去到多區畀相關小巴營辦商同埋區議員參觀之後更有人指Mellor Orion前置引擎、前輪驅動嘅設計可以會係最適合香港做低地台小巴嘅組合。

時間嚟到2021年9月6號,第二架 Mellor Orion低地台小巴亦都啱啱喺葵涌貨櫃碼頭正式「登陸」香港,今早代理商從葵涌貨櫃碼頭迎接呢位新成員。

今次呢位新成員同6月已經到香港嘅都係用相同嘅底盤同車身結構、機械配置,但就改用另一種車廂佈局。大家可留意住本台嘅消息,最緊要記得快啲訂閱巴士台YouTube頻道喇!

特別鳴謝:瑞龍綠運有限公司

Be the first to comment

Leave a Reply

Your email address will not be published.


*