政府接獲港鐵公司就荃灣綫列車事故提交詳細報告

就2022年11月13號朝早發生嘅港鐵荃灣綫列車事故,香港政府喺2023年1月12號收到香港鐵路有限公司(港鐵公司)按政府要求向機電工程署(機電署)提交嘅詳細調查報告。

詳細調查報告指出,事故成因係路軌旁邊1個金屬護欄嘅固定螺栓同埋螺母因嚴重銹蝕而斷裂,令到金屬護欄向路軌傾斜,並且碰撞到涉事列車。

事故後,港鐵公司已經按照機電署要求檢查咗鐵路網絡之內全部同涉事護欄類同嘅金屬護欄,保障行車安全。

此外,港鐵公司已經提升土木結構維修制度,包括針對金屬護欄嘅維修。港鐵公司亦正全面檢視路軌旁邊嘅結構裝置以及相關設施,預期喺2023年5月中完成。政府會繼續跟進有關檢視工作。     

詳細調查報告亦提出點樣改善有關乘客疏散安排以及服務安排,包括加設直接連接去車務控制中心有關用緊列車緊急出口斜道嘅警報系統,並且加強培訓車務控制中心同列車人員,確保發生緊急事故時可以安全以及有秩序咁疏散乘客。

機電署會密切跟進港鐵公司落實調查報告提出嘅各項改善建議嘅進度,防止同類事故再次發生。政府成立嘅獨立監督小組亦已展開工作,密切監督港鐵公司全面檢討資產管理以及維修保養制度,確保港鐵公司嘅維修保養以至營運管理工作與時並進,以維持香港鐵路服務安全可靠。

Be the first to comment

Leave a Reply

Your email address will not be published.


*