【巴壇隨手寫】公共交通機構面對財困…

當新型冠狀病毒(武漢肺炎)肆虐全球多年,香港亦都需要雷厲風行咁樣實施唔同嘅防疫政策,可惜疫症未有消退嘅跡象,但係已經令到各行各業飽受衝擊。

其中多項「封關」同埋對香港市民聚集、甚至簡單到出街食餐飯作出限制嘅所謂「防疫」政策,嚴重打擊咗香港各個公共交通機構嘅乘客量,令到多間公共交通機構入不敷支,以至現金流嚴重短缺。

作為香港道路公共交通最重要嘅一環,專營巴士公司當然首當其衝,佢哋喺早前都已經發出新聞稿,明示或暗示自己公司財政上非常有困難,可能影響到提供公共服務畀一般香港市民。

而偏偏世事有時候又好似誤打誤撞咁洩露天機:

NO CASH?

暫停載客

NO PROBLEM!

滙達交通嗰一句「彼此連城一線」本身或許都想激勵公共交通從業員嘅士氣,但面對依家社會環境、政府政策一塌糊塗、經濟狀況眼前都未睇到曙光,有時候巴士業界自己都有拎呢句口號講笑咁話「彼此命懸一線」…

今次呢一個玩笑究竟會唔會成為真正嘅前景呢?又…喺呢個母親節被「選」出嚟嘅嗰位新任行政長官,係咪真係解民所困、為香港人服務呢?

(相片由「住喺東涌但去咗筲箕灣睇玩具市集嘅日本消防員」提供)

Be the first to comment

Leave a Reply

Your email address will not be published.


*