九展有SHOW,九巴加強服務,準備「讓路」予緊急救護服務

對於林作,我哋就係方丈

九龍灣國際展貿中心今個月有幾場表演,包括三場演唱會及一場拳擊「賽事」。九巴一如既往發出通告將因應節目增加人潮加強服務,但對於9月18日加上註腳「將密切留意會場一帶的路面情況,適時作出讓路,以配合有需要人士儘快能接受緊急救護服務」,引起唔少議論。

或者先客觀啲咁講,始終係一場「拳賽」,正常嚟講係會拳打腳踢、拳拳到肉,參賽者難免受傷而需要接受治療。又萬一受傷程度嚴重,確可能急需送院救治,故此要為緊急救護服務作準備係好正常,無嘢值得議論。只不過呢場所謂「培生擂台」出現嘅背景同參與嘅人物,八卦新聞 mode 的確 juicy,因而使「 緊急救護服務」呢六個字令人產生其他聯想,實在難免。

平治 Sprinter 4×4 救護車
Photo by: Jacky Lim

對於呢場所謂拳賽,我哋著實無乜興趣去理解,一來小弟及編輯室眾人對拳擊無甚理解,二來係其中一個人物不單在公眾印象可以用「極度黑人憎」嚟形容,佢嗰種不可一世嘅自以為好L巴H閉嘅態度,「辣」過我哋仲要不知好歹的唔好話道歉都無。

講返發生乜嘢事啦。話說呢個「港姐前男友嘅所謂大狀保險佬」買咗架「古董」開蓬車返嚟,試圖「撻朵」搲車房著數攞 sponsor 實質只係想免費整車,網上「圍毆」但佢「唔識收」之餘仲要繼續亂噏廿四,囂張地話「幫間車房做 promote」仲話「俾我哋狂抦就係俾機會我哋呃 LIKE」。

只不過佢對架「古董」開蓬車嘅認識根本近乎零,就連一啲關於架車嘅資料都噏錯,梗係「郁佢」啦

HK Car Channel 全文網址:https://hkcarchannel.com/2020/10/alfa-romeo-159/

跟住仲有「三來」── 心裡有數兩個所謂選手都只係為擦存在感順便搵真銀,正所謂 just a show and take money,所以都費時理佢哋。更何況呢隻「港姐前男友嘅所謂大狀保險佬」講明係進行「負面宣傳都係宣傳」。

只不過九巴份通告實在直接啲講惹人發笑,又既然「港姐前男友嘅所謂大狀保險佬」曾明言「幫我哋呃LIKE」,何不「成人之美」呢喂!況且,有友好告知此雄性人形物種曾欲闢徑與吾等悉尼老鼠「交流意見」,唯遭可能係中間人回敬「知唔知道你入錯咗間武館而且館內個個都係黑帶十段嘅大內高手」。佢咁鍾意好勇鬥狠但又「唔識路去柳州」,就留個名當晚九巴如何配合「緊急救護服務」,可能係唔錯嘅準備。

Be the first to comment

Leave a Reply

Your email address will not be published.


*