歐洲足球推動巴士行業發展

井底蛙先至以為唔關事

相信好多標題黨都係嘅反應會係「足球都扯到巴士,唔好再九唔搭八啲」,但寫得出嚟梗係唔係你咁白L痴的無知啦。

入正題。英超、德甲、法甲、西甲… 開鑼,好多香港人都會睇波,甚至買波衫嚟著、儲,當然唔少得「炒」啦。更有部份球迷去歐洲旅遊,尤其是去英國,會去球場「朝聖」,或者買飛入現場睇波,感受吓現場氣氛。

香港好似無乜人捧曼城,呢張相應該唔怕俾猁或者獌追殺 hahaha
Credit: Daily Mail

歐洲多國政府大力推行足球運動,當然無可能無商業考慮。相信唔少人諗到嘅商業元素都係波衫、波鞋、紀念品、球員轉會費、場邊/波衫廣告 vs 商業贊助、球員代言廣告、門票、轉播費,以至博彩賭注,產生商業收益然後政府可以徵收稅款,但其實單係每一場賽事衍生嘅周邊經濟效益仲有餐飲、旅遊、交通事業。

餐飲業點解關事應該好多人即刻諗到,就係出去酒吧、餐廳,一路食飯、飲酒一路睇波,因為香港人响武漢肺炎之前都好興咁做。旅遊、交通關乜事呢?? 其實道理係好簡單,只不過你响香港呢個井係唔會諗得到,但又其實有睇開波嘅、或有留意外國關於足球嘅新聞 (例如球迷騷亂) 都應該會醒起 ~ 球隊作客比賽同埋球迷。

一隊球隊,正選+後備+領隊+教練+職員幾十人,去作客比賽必定提前一至兩日抵達,已經要住酒店啦。假設利物浦對阿仙奴,利記落倫敦唔駛搭車呀?! 淨係球隊本身最少兩部旅遊巴士啦。

Photo by: Jacky Lim

然後球迷呢!每一場少極都一千幾百個作客隊球迷,一架 National Express 單層 48座位都要十幾廿架。如果啲「世紀大戰」例如車路士對曼聯,隨時幾千甚至過萬名「車仔」球迷由倫敦北上曼徹斯特,就算搭火車都要駁多一程巴士先至去到球場啦。

無錯,仲可能會有人揸車上去,但要知道足球响歐洲係一種平民娛樂,願意花費油錢嘅球迷始終唔及搭巴士或火車嘅多。

所謂「有 Demand 就會有 Supply」,每個星期响英、法、德、西、意大利 咁多場波踢,衍生以萬計嘅「作客球迷」嘅通勤需求,在理論上產生幾百以至過千架次嘅巴士服務嘅需求,點會唔使歐洲嘅巴士製造業、巴士公司嘅經營得以持續落去。而又因為長途行程嘅需要,巴士嘅機械性能、車身外型設計、車上設施就相當講究。所以即使時光倒流二十年,Scania / Irizar Century、MAN / Berkhof Axial、Iveco / Noge Touring 等等嘅車款响香港出現,識得睇車嘅個個都睇到嘩嘩聲。

Photo by: Jacky Lim

所以話唔好諗住每個行業都只係「各自修行」,總可能衍生周邊經濟。體育運動延伸嘅周邊經濟同巴士有關,係實在地存在,唔係有啲白卡人士一見到我個名就「丟,又膠噏廿四無嘢搵嘢寫………」就可以否定。不過,我亦坦白承認,「足球&巴士」係好多年前一位老行尊講我知,只不過近年要响屋企陪人睇波先至醒返起咁解。

Be the first to comment

Leave a Reply

Your email address will not be published.


*