衝突阻西區隧巴？ 九巴收車新巴加！

香港2019年經歷多個月嘅政治動盪，多區接連出現市民堵路抗爭，大批公共巴士路線受影響，需要停駛、改道、縮短。

只不過，現時部份公共巴士係聯營路線，卻又出現「一間公司收車，一間公司照去」嘅情況，往往令乘客喺亂局之中更加無所適從。

企喺「社會責任」角度，如果路況同安全都許可，公共巴士營辦商盡力維持服務亦「理所當然」，而可以做到「補位」就更加彰顯對香港社會有承擔。

根據西區交通消息，近期九巴因為路面混亂而全面停駛904、905號西隧過海巴士路線，但新巴卻又仍然努力維持兩線服務，而由11月21號開始，新巴更加喺原本九巴時段加開兩線嘅額外班次，彌補九巴停駛所失去嘅班次。

(10:25) 新巴由即日起，嘗試加開班次填補 904 905 線九巴停開的服務。請踴躍選乘。另注意稍後中午時份於中環一帶可能出現改道安排。除繁忙時段 101X 線由九巴提供改經東隧班次外，紅隧線繼續停駛。(圖為 10:15 班次的…

Posted by 西區交通 Western District Transport on Wednesday, November 20, 2019

大家都明白到每間公司面對社會動盪時，各有難處而自有考量去決定刪減服務，因此相信大家都唔會責難九巴停駛嘅決定。

然而，新巴決定「做多幾班」，佢哋嘅管理層到前線員工都值得大家嘉許。