2022年7月1號係香港特別行政區成立25週年，對於部分所謂「香港人」嚟講，呢個日子係非常重要嘅「節慶」，所以佢哋都搞咗一啲活動嚟到所謂「慶祝」。
其中喺港島，「全港同鄉社團」就以《同心慶回歸 同行創未來》做主題，舉辦咗一個「社區關愛活動」，仲包咗新輝、東洋、雅高（金亮）合共4架MAN A95開篷旅遊巴士做巡遊，喺中午時分由中環碼頭出發。
至於喺九龍半島嗰一邊，「龍騰志青」就包咗1架城巴11.3米版本Dennis Trident E500 Turbo型雙層巴士以及另一架三菱Rosa，接載一班年輕人去到尖沙咀、麗閣同埋黃大仙等地區進行所謂「祝賀香港回歸系列活動」——其中城巴嗰架雙層巴士兩邊仲特別貼有橫額：
- 梯位：慶祝香港回歸祖國25週年
- 門位：明千秋偉業 承砥礪香江 龍騰耀香江 青年夢飛翔
喺尖沙咀所見，參與「龍騰志青」活動嘅年輕人，唔少都著咗中國傳統服飾，相信佢哋都真心認為自己係推廣緊中華文化。
但係，即係咁講，所謂嘅「愛香港」其實唔係單純做一啲戲仿嘅活動，而仲係講求一啲實實際際生活上嘅習慣行為。
當佢哋走咗之後，被人發現喺現場附近有「龍騰志青」標誌嘅風車，就咁隨手就掉喺地面上，不論佢係就咁掉垃圾，定係跌咗而無執番…
亂拋垃圾點都唔係一個「愛香港」嘅表現呀嘛？
Be the first to comment