九巴:比亞迪B12A會加入14B號路線

九巴新引入嘅比亞迪B12A型單層電動巴士,早前已經喺2022年4月25號開始服務6號路線嘅乘客,嚟緊呢一款新一代電動巴士會喺2022年5月14號開始加入行走14B號路線,來往牛頭角同埋藍田(廣田邨)。

(巴士台資料相片)

九巴14B號路線會行經牛頭角道、協和街等繁忙路段,亦會行經斜率唔同嘅斜路,九巴相信由14B號路線所蒐集嘅數據,有助電動巴士嘅發展。

九巴表示亦正在同運輸署商討,將新一代電動巴士安排去服務不同路線,為市民提供更環保嘅公共交通選擇。

九巴聲言致力推動「綠色運輸」,早前已經為全線巴士車隊轉用新能源巴士訂出清晰時間表同埋路線圖,預計2023年會有82架電動巴士投入服務,包括已經購買嘅52架雙層電動巴士以及現有30架單層電動巴士。

九巴預計,到2025年會車隊中會有500架電動巴士,佔現時巴士車隊八分之一;期望喺2050年前將全線車隊提升做「新能源巴士」。

九巴亦積極為現有車廠增設充電設施,又計劃喺屯門同埋大埔,興建2座服務「新能源巴士」嘅多層巴士車廠,配合「新能源巴士」車隊發展——新車廠預計可以喺4~5年內落成,預料可以提供850個巴士泊位。

Be the first to comment

Leave a Reply

Your email address will not be published.


*