虛擬銀行同九巴跨界合作 推出香港最大規模巴士乘車優惠

獲香港金融管理局發牌嘅虛擬銀行 WeLab Bank(「匯立銀行」)連同植根香港多年嘅九龍巴士 (一九三三) 有限公司(「九巴」)宣布合作,推出三重九巴禮遇:

  • 即日起到2021年底以WeLab Debit Card乘搭設有電子支付系統「e度嘟」嘅九巴路線,每程減HK$2;
  • 連續3個星期日請全香港市民免費乘搭九巴合共3條主要巴士路線;
  • 乘客可以喺特選巴士上挑戰車廂手機遊戲,有機會贏取PlayStation 5。

九巴同匯立銀行期望以科技連繫生活,提供更切合數碼世代需要嘅日常服務,畀公眾親身感受是呢跨界合作帶來既便利又貼心嘅全新體驗。

匯立銀行同九巴都係喺香港土生土長,同樣相信數碼化係未來世界必然方向。為鼓勵客戶感受兩間香港本地企業合作帶來嘅嶄新體驗,匯立銀行同九巴攜手推出全香港最大型嘅巴士優惠活動:

  • 2021年9月15號到12月31號期間,凡係使用WeLab Debit Card喺九巴嘅電子支付系統繳付車資,每程可減$2(優惠以回贈方式提供,每月上限為$120,實體卡、Apple Pay同樣適用)——九巴已經喺旗下1000架巴士上安裝電子支付系統「e度嘟」,九巴亦計劃喺2021年內為全線車隊提供電子支付方式。(已安裝「e度嘟」的九巴路線可參照附件。)
  • 由2021年9月19號起連續3個星期日, 匯立銀行會推出「請你搭九巴」,畀全香港市民全日無限次免費乘搭指定巴士線,詳情如下:
日期路線介紹
9月19號1A
中秀茂坪 ⇌
尖沙咀碼頭
1A線貫穿九龍區心臟地帶,為九巴其中一條歷史最悠久、最受乘客歡迎的路線,由九巴前身「九龍汽車公司」於1921年始營運的首批巴士線演化而成,甚具歷史意義。
9月26號108
九龍灣(啟業) ⇌
寶馬山
108線為紅隧過海路線,穿梭九龍與銅鑼灣中心,是市民購物、美食、打卡熱點的理想之選。
10月3號96R
鑽石山站 ⇌
黃石碼頭
香港人熱愛郊遊,96R線抵達西貢多個行山徑起點,備受喜愛遠足郊遊的市民歡迎。
  • 匯立銀行會喺巴士車廂入面推出手機遊戲,乘客只需要掃瞄貼喺巴士車廂櫈背嘅二維碼,即可挑戰遊戲,有機會贏取高達$2000開戶獎賞與及可以參與PlayStation 5大抽獎(手機遊戲、抽獎、獎品受條款及細則約束,詳情可以睇呢個網址),為巴士旅程注入更多精彩元素。匯立銀行現有客戶玩遊戲每次過關,每程仲可以額外獲$2回贈,配合之前講到嘅減$2優惠, 即係每程合共減$4!

匯立銀行行政總裁李家達表示,佢哋一直致力運用科技,將嶄新理財體驗帶到去公眾日常生活。透過呢次跨界別合作,匯立銀行同客戶建立更多接觸點,務求為客戶提供更個人化智慧銀行服務。佢認為同九巴合作,將擴闊接觸廣大乘客嘅渠道,有助匯立銀行更了解客戶消費模式。

李先生講到:「新世代嘅銀行服務應該以數碼先行,借助智慧城市萬物互聯嘅優勢,由客戶衣食住行不同場景中,了解客戶消費習慣同喜好。今次同每日接載超過270萬人次嘅九巴合作,不但能夠畀更多乘客認識WeLab Bank,更使到我哋喺『行』方面走入更多香港人嘅生活,有助拓展生態圈,未來為客戶帶來更全面同個人化嘅智慧銀行體驗。」

九巴財務總管梁祖德指,計及公司前身「九龍汽車公司」,九巴喺2021年剛好服務香港市民100年,九巴一直希望喺傳統巴士業務引入新元素同新科技,提升乘客乘車體驗。佢欣賞匯立銀行成立1年以嚟,積極透過金融科技同埋創新理財產品,革新銀行服務,有信心今次合作能夠為乘客創造更佳嘅服務體驗。

梁先生表示:「九巴樂意同創科公司合作,將新科技新思維帶入巴士服務。九巴一直勇於創新,領先同儕,多年嚟不斷改善車廂設計同巴士設施,包括引入環保引擎、預計巴士到站系統、行車安全系統、免費應用程式App1933,到近年銳意發展新能源巴士、5G巴士、電子支付系統,致力為巴士旅程創造更高價值,提升港人的生活體驗。」

匯立銀行同九巴嘅合作活動受條款及細則約束,詳情可以睇呢個網址

1 Trackback / Pingback

  1. 九巴 WeLab Bank 重演1975年4月30日歷史? - 巴士台 HK Bus Channel

Leave a Reply

Your email address will not be published.


*