「國產車」中之「極品」黃海客車 DD6640K 學校私家小巴

講到「國產車」呢三個字,相信絕大部份人嘅即時反應都係「垃圾」兩個字。的而且確,由「阿LIM」呢個「引清兵入關」嘅「罪魁禍首」引入第一部中國品牌嘅旅遊巴士,屈指一算已經接近20年,雖然車款、質素偶有佳作,但普遍情況如何,相信無需多講。

屬於首批抵港的其中一部「廈門金龍」KING LONG XMQ6885 旅遊巴士
攝於2004年10月

另一方面,中國車廠於香港市場過去一直只集中於非專利巴士/旅遊巴士,直到近年才有少量於使用要求更嚴苛嘅專利巴士、公共/私家小巴,不論於邊一個行業範疇,絕大部份嘅「國產車」嘅故障頻率、保養狀況都「有目共睹」,客觀地「國產車」三個字總教人聯想到可靠性低、品質差劣。

機構總部位於中國東北、臨近北韓邊境丹東市嘅黃海客車,約十多年前透過其位於江蘇常州廠房生產予香港嘅小巴車款,試圖突破當年市場局限嘅車廠。雖然售出數量不算少,但幾乎全部都是學校私家小巴,而且行駛年期非常短暫,質素如何已毋用多說。

這部於2010年出廠嘅黃海客車 DD6640K 學校私家小巴,係香港碩果僅存最後一部車身完好 (雖然清晰可見嚴重銹蝕) 而機械尚算正常操作嘅同款小巴。

車身全長6.4米,闊2.2米,使車廂可排出2+2座椅座位佈局,即使到今日而言仍可算是廠方同代理嘅誠意之作,因為比本港常見嘅日本品牌小巴的1+2座椅佈局,有更佳嘅重量平衡,只不過除了車身防銹效果欠佳,還有唔少不足甚至可謂不妥善之處。

就是「香港國產車始祖」嘅「阿LIM」收到「判官」嘅通告就耍手擰頭,大叫「唔要揸完去睇跌打」而想逃脫。結果唯有「判官」親身上陣,「阿LIM」當然劫數難逃,點都要做幕後工作啦。

到底實際情況係點?可會意味著中國汽車工業難成大器,甚至翻身無望?但無論如何,「國產車」就是「天下文章一大抄」係始終無改變嘅事實。

全集影片,已經上載到 HK Bus Channel 的 YouTube 頻道

睇完記得點擊 訂閱,與及「撳鐘仔」以便可以隨時知道有新影片上架。

Bonus:拍攝時遇上的一部 KING LONG,「阿LIM」話係下面呢張相片嘅同一部車來的。

鳴謝:
Gary Chan@HKCoach.info
Minibus Collections

資料圖片:Jacky Lim

特別鳴謝:
華記膠輪電池公司
Ooh La La Printing and Production Limited
Fleet-1 Service Centre

Be the first to comment

Leave a Reply

Your email address will not be published.


*