藤子·F·不二雄博物館係為咗紀念日本漫畫家藤子·F·不二雄而創立嘅博物館，位於日本神奈川縣 川崎市 多摩區 長尾2丁目 8番1號，2010年4月動工，2011年9月3號開始對外開放。
博物館係由藤子・F・不二雄嘅妻子 藤本 正子、負責管理藤子・F・不二雄作品嘅藤子．F．不二雄製作公司、川崎市三方協議成立，內部保存藤子・F・不二雄由1961年開始到1996年離世期間合共35年嘅各項創作資料。
博物館入館門票採用「事先預約制」，參觀者需要經羅森便利店預先購買指定日期嘅門票，同時博物館每日會限制只開放畀2000人參觀，並且要分為10:00、12:00、14:00、16:00合共4個時段入場。
由於博物館並無設置停車場，所以博物館方面一直表明參觀者應該乘搭公共交通工具前去博物館：
- 乘搭小田急線喺「向丘遊園站」落車再徒步行16分鐘
- 乘搭JR南武線喺「宿河原站」落車再徒步行15分鐘
- 乘搭小田急線或者JR南武線喺「登戶站」落車——然後再乘搭穿梭巴士即可到達
目前川崎市交通局旗下嘅川崎市巴士特別設有博物館專用嘅直達接駁巴士，往返「登戶站」同博物館之間，並且為接駁巴士用車披上特別車身色彩。
6-Aug-2021 不經不覺，位於川崎市的藤子·F·不二雄博物館 (藤子·F·不二雄ミュージアム) ，即將於 9 月迎接開館以來的第一個十週年。行走博物館與登戶站之間的接駁專車，車身一向披上由藤子老師筆下角色作主題的特別塗裝，亦將會於…
Posted by BL79 on Thursday, 5 August 2021
蒞到2021年，為紀念博物館開業10週年，連接「登戶站」同博物館嘅接駁巴士特別車身色彩將會有第3代嘅新設計！
根據博物館方面2021年8月4號嘅講法，新嘅車身色彩設計會繼續展示藤子・F・不二雄作品角色，不過會仿照觀眾熟悉嘅故事進行遊戲，角色所穿著嘅服飾會同以往嘅車身色彩略有唔同，博物館認為呢個改變將為接駁巴士增添活力感覺。
博物館方面亦表示，除咗新嘅車身色彩之外，車廂入面嘅座椅、落車鐘掣都會有新嘅原創設計，希望參觀者喺搭車往返博物館嘅一段路會有更有趣嘅體驗。
至於新車身色彩嘅接駁巴士幾時開始投入服務？博物館方面就揀咗2021年9月3號（星期五）——博物館10歲生日正日——但到時新型冠狀病毒（武漢肺炎）引致嘅國際旅遊限制都應該仲要一段時間先至撤銷㗎喇！
1 Trackback / Pingback