九巴口罩再優惠 換新贈品抵唔抵？

即係咁講，2020年，九巴為咗令香港市民能夠有穩定嘅口罩供應，所以佢哋自設廠房，生產咗一批成人版同小童版口罩，畀市民購買，價錢都算好公道嘅。

而喺啱啱過去一個星期，九巴仲提供咗額外嘅口罩優惠，買口罩、送車仔。

九巴口罩大優惠 加送車仔好盞鬼？

隨著呢一次購買口罩嘅額外優惠喺2020年9月30號完結，以為九巴唔再推出口罩優惠？細佬，你太年輕喇！

2020年10月1號，九巴以「賞花賞月賞優惠」之名，10月1~7號再推出口罩優惠套餐（●＿●）…今次仲無限定要買成人版口罩：

• 買 2 盒口罩送1:110 合金巴士模型 1 部(款式隨機附送)
• 買 3 盒口罩送九巴錢箱錢罌 1 個
• 買 4 盒口罩送九巴版「大富翁」 1 盒

同上一輪九巴口罩優惠比較，大家覺得今次定上次吸引啲？