【新加坡】巴士限坐唔睬理 座上貼紙黐著你

新加坡當地新型冠狀病毒（武漢肺炎）個案急劇飆升，新加坡陸路交通管理局喺2020年4月9日宣布，要求乘搭公共交通工具嘅乘客保持「安全距離」。

為咗令乘客容易分辨，有關方面喺新加坡嘅地鐵、巴士、巴士站等候區嘅部分座位貼上「安全距離貼紙」，要求乘客唔好坐貼咗貼紙嘅座位，以保持安全社交距離。

只不過呢~通常乘客都係習慣咗「見位就坐」，要一下子轉變搭車習慣又唔可以「啪個掣」咁就做到。網絡社交媒體上就有人貼出照片，暗示喺新加坡嘅公共巴士玩咗啲「惡作劇」：

照片清楚見到有人揭起公共巴士座位上嘅「安全距離貼紙」，令貼紙嘅「底膠」向上外露，然後…

坐咗上原本貼有「安全距離貼紙」座位嘅乘客，嗰張揭起咗嘅「安全距離貼紙」就會黐咗上乘客嘅「下着」，跟隨著乘客一齊落車。（＞+++＜）

咁樣去「提醒」乘客記得留意搭巴士時候要保持安全社交距離，大家又覺得點呢？