【澳門巴士】社會運作漸恢復 巴士班次亦回復

早前受新型冠狀病毒(武漢肺炎)擴散影響,澳門政府一度頒令娛樂場所停止運作,巴士乘客量銳減,自2020年2月初有部份巴士路線減班或者轉用較細型號巴士。

因應澳門各行業陸續恢復運作,之前受影響嘅巴士路線由2月中開始轉用返原有巴士車型,減少咗班次嘅巴士路線亦分批續漸補返班次。

澳門交通事務局同當地兩間巴士公司協調後,由2020年3月2號開始再增加返巴士服務班次,預計全日運載力恢復返去原來嘅90%;其中,上、下午繁忙時段達到原來運載力嘅95%。

同一日亦會恢復5AX、5X、10X、MT5號巴士路線運作,以疏導早、晚繁忙時間客量;至於往返澳門大學校園嘅71、72、73路線,上、下午繁忙時段回復正常班次,夜間路線N6則恢復原行程進入澳門大學。

澳門交通事務局會呼籲乘客留意有關安排,局方會密切留意各路線運作情況,並且及時檢討、作出調整。

當局並重申面對新型冠狀病毒(武漢肺炎)疫情,乘客謹記乘搭巴士必須佩戴口罩、注意個人清潔衛生。當局同時會嚴格要求巴士公司留意車長同埋其他員工嘅身體情況,確保巴士站點以及巴士車廂設施有消毒清潔,避免病毒傳播。

特區政府呼籲:必須堅持,避免聚集;記得洗手,戴好口罩;健康聲明,減少出境。

Posted by 澳門公共汽車股份有限公司 on Saturday, February 29, 2020

Be the first to comment

Leave a Reply

Your email address will not be published.


*