寶馬終需山路喪 搵架巴士兜頭撞

踏入庚子鼠年大年初一，朝早已經傳嚟壞消息：又撞巴士！

根據whatsapp巴士車長群組流傳嘅照片同影片，新巴嘅E400雙層巴士（車隊編號3843，車輛登記UW9618）喺行緊9號線出返去筲箕灣嘅時候，途中喺石澳道同2架白色房車相撞。

救援人員已經趕到現場協助傷者，而相撞嘅3架車輛都有唔同程度受損。

其中3843仲攬咗埋防撞欄，部份欄杆疑似穿入巴士車頭。

受今次車禍影響，石澳道近大潭道交界雙線全封，交通癱瘓，駕駛人士請留意現場救援人員指示，並預留路面畀救護車通過。

由於石澳道雙線全封，新巴9號線暫停服務，出入石澳可能唯有暫時靠步行。