【公益活動】綠領租架開篷巴 宣傳齊齊去「絕膠」

承接2019年12月28號《全城「絕膠」大行動啓動禮2020暨「絕膠」商戶嘉許典禮》,踏入2020年,《全城「絕膠」大行動》(「絕膠」意指「拒絕即棄塑膠」) 嘅第一個推廣活動 ―― 《全城「絕膠」日》喺2020年1月7號下晝去到銅鑼灣記利佐治街舉行。

星級絕膠大使朱咪咪、糖兄妹其後上咗掛有「齊來絕膠 Make Yourself Proud」橫額嘅宣傳巴士(又係身披Panda Bus拉花嘅城巴 #25,即係前新巴丹尼士三叉㦸 #1220) ,去到港島區巡遊,呼籲市民使用「絕膠地圖」網頁,一同幫襯「絕膠」店舖,減少使用即棄塑膠。

截至現時為止,綠領行動已成功邀請52間社區食肆同商戶加入《全城「絕膠」大行動》,所有店舖已陸續登錄喺「絕膠地圖」中,市民可隨時上網搜尋及光顧。參與商戶只要承諾實行5項指定減塑措施的其中2項,就會獲發「絕膠」店舖標籤,包括:

  • 淘汰所有過度包裝產品
  • 拒絕任何唔自攜器皿或者餐具買外賣嘅顧客
  • 提供可重用餐具或器皿畀堂食或店舖外進食嘅顧客
  • 提供其他經綠領行動確認嘅即棄塑膠代替品
  • 唔主動派發即棄塑膠畀顧客

綠領行動高級項目主任倫嘉愉表示:「舉辦《全城「絕膠」日》嘅目的,係緊接上年12月尾嘅啟動禮,延續社會整個「絕膠」宣傳浪潮。現時香港每日有2343公噸塑膠棄置喺堆填區,比去年上升一成,情況令人擔心。本會亦期望立法會能盡快通過都市固體廢物收費草案,提供經濟誘因,令市民從源頭減廢。」

問題係…橫額同索帶係用乜物料?同埋停車唔熄匙喎?

Be the first to comment

Leave a Reply

Your email address will not be published.


*