聖誕加停皇后像 眺望「冬日聖誕樹」

Oh~Christmas Tree Oh~Christmas Tree
噢！聖誕節托它歸家~我架H仔會經㗎！

為咗慶祝聖誕同元旦，喺2019年12月20號到2020年1月1號，新巴旗下嘅人力車觀光巴士H2號路線，每晚由中環天星碼頭嘅最尾3班（1900、1930、2000），將加停皇后廣場睇「香港繽紛冬日節」嗰棵聖誕樹。

相關宣傳海報由迷途小熊貓設計，大家記得畀個like喎！

根據香港旅遊發展局所講：

繽紛冬日，暖意滿載！今年「香港繽紛冬日節」，新穎奪目的皇后像廣場聖誕樹是城市中心最耀眼的裝飾，加上維多利亞港兩岸的摩天大廈和大街小巷的亮眼燈飾，與「幻彩詠香江」燈光音樂匯演互相輝映，為節日更添亮麗色彩。

至於現實嘅皇后像廣場聖誕樹係點樣？

話係荷蘭藝術家設計，靚唔靚就有啲主觀嘅――覺得唔似聖誕嘢？政府揈錢做嘅嘢，係咁上下㗎喇！將就吓啦！