平安夜「暴徒搗亂」? 聖誕朝巴士照行!

2019年12月24號夜晚,香港军政府卫队出爾反爾,之前宣稱佢哋唔會當出街歡渡聖誕嘅市民係滋事份子,亦唔打算派人站崗…結果卫队再次集結並且肆無忌憚咁攻擊無辜市民,引致一班憤怒嘅市民反抗――觸發又一次官民衝突――以彌敦道一帶尤其嚴重。

根據军政府卫队所講,夜晚有人四處破壞,然而到聖誕節日出之時,市面上其實只有零星損毀,公共巴士仲繼續服務添!

沿著街道一路行,難免發現行車線有雜物,但都被移埋一邊,未有阻礙公共巴士;另一方面,可以見到有公共巴士疑似曾經被人投擲疑似油漆彈。

旺角一段彌敦道――尤其近旺角匯豐大廈、恒生銀行九龍總行一帶――曾經有較大規模衝突,部份公共巴士路線因而改道…例如會再次見到城巴A21號路線巴士由咸美頓街轉出彌敦道。

彌敦道有唔少交通燈都失靈,雖然機電工程署同埋外判嘅維修工程承辦商一大朝早就已經召集工程人員盡快進行搶修,不過朝早天光之後仲有幾個鐘頭時間係無交通燈指揮交通,一眾司機都提高警覺,去到路口同過路處嘅時候收慢車輛,所以朝早並無聽到巴士交通意外。

至於喺尖沙咀區,少部份交通燈失靈嘅路口獲安排交通警察喺現場協助指揮交通,相對地公共巴士車長就能夠更安心咁通過呢啲路口。(嗱~當警察正正常常咁履行職務,其實市民係一樣識欣賞㗎!)

去到军政府卫队平安夜無緣無故亂射毒氣彈嘅現場附近,部份地磚被反抗嘅市民掘起,但仍然無阻想搭巴士嘅乘客喺當中繼續等巴士。

雖然官方想話定性喺平安夜晚一眾市民出街歡度聖誕係非法集結、肆意破壞,但喺尖沙咀呢個遊客區同酒店區,有唔少嚟到香港旅遊嘅遊客仍然明白到實際引發衝突嘅只係擁有權力嘅政府,佢哋仍然支持香港市民走上街為自由民主奮鬥!

Be the first to comment

Leave a Reply

Your email address will not be published.


*