【澳門輕軌】委託港鐵做營運 通車即日就「行運」

澳門輕軌其實由提議、定案、興建、通車已經歷時多年,根據小教畜決戰Old SeaFood擺上Facebook嘅報紙頭條照片,前後達16年之久,真係啱啱出世都搞到初中畢業呀…究竟人生有幾多個16年呢?

人生有多少個16年?當年小學聽到建鐵路,很興奮,把報紙留下來,幻想中學畢業就可以搭輕軌到機場出國讀書,怎料到中學畢業那年,樁柱都沒有一支。把當年的報紙遞給我的學生看,天啊!06年?!即是說,原定他們出世時就已經可以搭的輕軌,到今天他們都中學了才建好一半。(這是原圖)

Posted by 小教畜決戰Old SeaFood on Monday, December 9, 2019

面對呢種長期掛個名話起緊、起緊、起緊嘅情況,澳門有啲居民就攞「輕軌」呢個名嘅諧音講笑咁話…其實應該係「輕鬼」至啱!至於當初預計全部輕軌工程只需27億澳門幣, 結果今時今日淨係氹仔段都燒咗超過一百億,半島師奶直情將揼錢落澳門輕軌當成咗平時大家要燒街衣奉獻遊魂野鬼…

我們養的輕鬼寶寶輕輕的來了~大家別以為輕鬼很輕,其實牠是非常沉重的,若果輕鬼真的能飛,相信可以解決很多人的煩惱。#半島師奶#輕鬼#上路了#走上幸福的投胎之路#但投胎路困難重重#難過取西經#繼續填坑

Posted by 半島師奶 on Tuesday, December 10, 2019

不過澳門人一直盛傳話可能呢一代人到死嗰日都睇唔到輕軌落成通車又真係誇張咗一啲…

根據澳門論盡媒體報道,澳門輕軌氹仔線通車儀式2019年12月10號朝早11點喺輕軌車廠舉行,由行政長官崔世安、運輸工務司司長羅立文(澳門有人簡稱佢係羅司)主持。羅司受訪時表示,預計每日有2萬人次乘搭輕軌,但由於欠缺經驗,實際人數或者會同預測有所出入。

Photo:AllAboutMacau Media

澳門政府亦公佈輕軌票價機制,依車程長度計,搭3個站或以內每程收6蚊(澳門幣,下同),搭4~6個站收8蚊,全程就10蚊。持有電子預付卡嘅乘客可獲半價優惠,收費由2020年1月起生效,而去到至2019年底前,乘客可以免費乘搭輕軌。

至於身高唔超過1米嘅小童、持有長者/殘疾人士電子卡嘅乘客可以免費乘搭。持有學生電子預付卡嘅乘客可獲二五折票價優惠。12歲以下小童、未持有電子卡而又年滿 65歲嘅長者/殘疾人士亦可獲半價優惠。

當記者問到輕軌投資何時能回本?羅司坦言,澳門輕軌公司投資咗嘅短時間之內回唔到本,亦難以平衡收支:「氹仔段至今已花約102億,但收3、4、5蚊(使用預付咭票價),有排都收唔返,短期連營運費用都收唔到,因為營運氹仔線開支包括600名員工薪酬、水電費、維修費等,以電費為例,一年就要四千萬。」

記者再問到石排灣線、橫琴線幾時會有定案,羅司話有關問題換屆後再談,但強調氹仔段接駁到媽閣嘅一段會喺2023年前完工,費用45億元。佢又提到,目前輕軌公司聘用600名員工,約8成係澳門居民,期望港鐵5年合同期內,能夠逐步將員工團隊澳門人比例提升到起碼9成。

至於輕軌公司未有購買保險,羅司表示,公營公司喺澳門政府持有股權低於60%以下先至需要購買保險,但係現時輕軌公司由澳門政府全資持有,因此如果發生意外將會由澳門政府直接負責賠償,無需擔心。

澳門輕軌氹仔線正式營運嘅第一班列車喺12月10號1533時由氹仔客運碼頭開出,用咗22分鐘抵達9.3公里路程外另一邊總站:海洋站。

Photo:AllAboutMacau Media

氹仔碼頭站一度出現百米人龍,有排頭位的市民表示,提早喺13時已經抵達。

Photo:AllAboutMacau Media

不過,畀得港鐵管理又點會順利?

首班車開出只不過大約半個鐘後,由於去氹仔方向有列車出現故障,故障列車乘客需要喺蓮花口岸站落車,導致嗰個站乘客聚集,車站頗為擠迫,有乘客批評負責營運嘅公司安排混亂,決定轉搭巴士

港鐵正式營運澳門輕軌的第一天首半小時,便出現輕軌故障。輕軌公司表示,澳門輕軌投入運營首三小時大致暢順,期間曾因為列車安全監控系統出現安全警示,為審慎起見,部份乘客需要安排轉乘其他列車,以確保行車安全。有關事件屬列車系統的安全保護機制;稍後並會就首日運營的各項安排作檢討。事發於大約下午4時,一列開往氹仔碼頭站的列車,在駛至蓮花口岸站時,由於列車安全監控系統出現警示,為確保乘車安全,站務人員安排列車上所有乘客下車,並轉乘其他列車,及後,下一列列車由於有大量乘客上車,導致嚴重超載,需要安排部份乘客返回月台,該列車則繼續正常行駛。影片來源自網友。

Posted by 澳門巴士/交通/天氣資訊站 Macau Buses / Transport / Weather Information Station on Tuesday, December 10, 2019

另外有外籍人士希望輕軌乘車指南能夠增加英文或葡文版本,方便各國旅客。

有乘客表示,輕軌列車速度快,但彎位比較多,部份呈近九十度,需要時刻捉實扶手;至於車站街道圖無顯示接駁巴士站位置,落車後好多乘客要問:「點樣可以離開海洋站?」

不如估吓澳門輕軌幾時開港鐵故障彩?

而講到澳門輕軌通車第一日有乜嘢紀念品…據澳門巴士/交通/天氣資訊站所講,原來輕軌公司喺車站有派筆、手巾仔同埋行李牌。

澳門輕軌於今日開通,輕軌公司在排角站免費派發紀念版輕軌圖案的筆和手巾布。

Posted by 澳門巴士/交通/天氣資訊站 Macau Buses / Transport / Weather Information Station on Tuesday, December 10, 2019

為慶祝輕軌通車,輕軌公司亦在部分站點派發行李證。乘客在年底前乘坐輕軌,可免費乘車,工作人員會在站點派發單程票,出閘時將會被回收。

Posted by 澳門巴士/交通/天氣資訊站 Macau Buses / Transport / Weather Information Station on Tuesday, December 10, 2019

睇落都有誠意過香港各間公共交通機構 (^_^)

Be the first to comment

Leave a Reply

Your email address will not be published.


*