威爾斯卡迪夫有一個農莊喺當地時間10月下旬遭受祝融光顧，旁邊一個修復當地無軌電車（trolley bus）作保育嘅工場亦受損。
其後清理咗消防撲熄火勢而留低嘅積水之後，場主開始著力重建成個計劃。
根據佢哋喺場地入面嘅堪察，場地同埋唔少工具都嚴重受損，但幸好受保育嘅無軌電車都係應該救得返。
為咗重建成個修復計劃，場主喺網上開展咗一個眾籌項目…達到目標就仲有啲難度… (=_=)’
其後得到一啲有心人捐款並且提供人力協助修復，喺呢一個月以嚟，佢哋已經開始緊修復工場同保育中嘅無軌電車。
正所謂「一方有難，各方支援」，今次雖然被祝融光顧，但憑著眾人合力，要重整全個修復計劃，應該只係時間問題而已。
反觀香港，一樣有一班有心人做緊修復工作、一樣有面對災害破壞…但…論合作嘛…唉…
Be the first to comment