秋後天氣漸轉涼 勿讓浪浪輪下亡

隨著秋天降臨,氣溫將會下跌,天氣轉涼之後,唔少流浪動物都會搵比較密閉或者會發熱嘅位置保暖――巴士廠往往係個選擇。

然而,人類自己都未有能力完全避免發生意外…何況係唔會明白人類社會運作嘅流浪動物?

早前曾經有流浪貓喺城巴嘅巴士廠內不幸被巴士碌死,引致喺網上一連串對巴士公司車務同廠務人員嘅抨擊。

迷途小熊貓就直接轉述返流浪貓嘅意見:流浪動物真係唔識睇車㗎!

話說貓督s呢一排都去左工程部converting好耐都無返黎車務部做野最多都係莫總貓督偶爾返一返黎但最緊有白面既囡囡忽然大駕光臨小熊貓第一時間出去求合照佢婉拒左小熊貓但佢好清晰咁話左比小熊貓知🐱:我係唔會睇車,叫D車睇住我唔好埋黎天氣開始轉涷又係一個需要頻繁Cats check既日子開車前細細力響響安,保平安💛❤️💛❤️💛#廠內海報計劃 又係時候要畫

Posted by 迷途小熊貓 on Monday, November 25, 2019

所以呢~大家喺巴士廠內出入時,記得小心留意返啲流浪動物――始終都係一條生命。

另外,開車前不妨先響咹嚇醒喺巴士入面瞓嘅流浪動物,尤其有啲見引擎暖暖地就瞓入去,一著引擎就捲入啲零件入面夾扁、剁碎咁慘死…既令人傷感又要花工夫清理,而且――始終都係一條生命。

祝 大家出入平安!

2 Trackbacks / Pingbacks

  1. 天冷浪浪嚟借宿 叫醒佢哋先好郁 - 汽車台 HK Car Channel
  2. 久留馬路巴士來 過街老鼠貼地亡 - 巴士台 HK Bus Channel

Leave a Reply

Your email address will not be published.


*