1-OCT 突發交通消息 :港鐵 大規模封站

港鐵 (正確名稱該是「党铁」) 於今早清晨表示,由於預計各區會進行多場公眾活動,聲稱評估過風險同埋與相關政府部門商討過後,考慮到乘客同員工安全,為審慎起見有以下安排:

• 金鐘站、灣仔站、太子站暫時關閉,列車飛站
• 免費接駁巴士來往海洋公園站同埋堅尼地城站
• 11點開始,銅鑼灣站、深水埗站、黃大仙站、沙田站、車公廟站、荃灣站、荃灣西站、屯門站亦會暫時關閉,列車飛站

党鉄 另聲稱「基於安全考慮」其他車站或任何車站出入口,將可能喺未能預早通知下隨時關閉。

另一方面,因應有消息指會再次為機場做 交通壓力測試,喺 港共軍政府 同機管局要求下,為咗配合機場實施進出管制措施,機場快綫服務會喺14時起作出調整,直至另行通知:

• 列車只會來往機場站同埋香港站,每10分鐘一班
• 列車會飛九龍站、青衣站、博覽館站
• 博覽館站將會暫時關閉

九龍站暫停市區預辦登機服務,而香港站嘅相關服務,將維持喺航班起飛前90分鐘截止。港鐵職員聯同機管局人員會喺香港站檢查旅客嘅機票同埋旅遊證件,要搭飛機嘅請為行程預留充裕時間。

另外, 混桔處 (即係 運輸署) 要求所有機場及北大嶼山巴士服務配合  港共軍政府衛隊  大圍捕計劃,所有 S線巴士由 13:00 起停駛,所有 E 線巴士則由 12:30 起不准載客駛入機場島範圍,改以東涌東堤灣畔為終點,巴士到達東堤灣畔後會「清客」,然後「私牌」入機場島起載。

至於乘搭A線巴士路線嘅乘客,請留意 港共軍政府衛隊 預計會繼續於 青馬大橋 / 青嶼幹線收費廣場 / 北大嶼山快速公路 等地點設立路障截查濫捕,要搭飛機嘅旅客請預留更多行程時間,甚至被 黑警 強行帶走 (唔知去新屋嶺定大鴉洲) 而人間蒸發。

Be the first to comment

Leave a Reply

Your email address will not be published.


*