【文明指標】巴士座上孤身狗 幸得善長覓收留

話說喺2019年10月16號,英格蘭嘅巴拉福特有一名巴士乘客, 喺朝早搭緊當地620號巴士返學嘅時候,發覺有一隻狗神情落寞咁孤單坐喺巴士上面嘅關愛座。

當佢見到呢個情景,佢就即刻拎起智能電話、影咗一張相、發放到社交媒體上面――呢一隻孤獨咁搭巴士嘅狗,神情令人心生憐憫――相片好快就被網民喺社交媒體上面不斷轉載,原相喺社交媒體上嘅連結,到執筆之時已經被轉發超過3600次。

This little cutie came on the 620 bus at Bierley Lane to Bradford this morning.If she belongs to you and you're in Bradford, please, please come to the Bradford Interchange bus station and collect her.

Posted by Gemma Louise Burton on Wednesday, 16 October 2019

呢一位巴士乘客喺接受英格蘭當地傳媒訪問時表示, 其實佢上巴士嗰一刻,就已經發現到呢隻狗坐咗喺關愛座。佢搭巴士嘅過程之中,仲留意到「呢隻狗神情恍惚,不過除咗偶然會低聲哀鳴,整體上呢隻狗態度良好,非常之平靜,亦無滋擾巴士上嘅其他乘客。」

呢位乘客指出,呢隻狗「除咗身上嘅一套吊帶之外,就無配帶頸圈,更加係無人陪住佢搭巴士。」

呢一程巴士入面,呢隻狗「偶然會索下身邊嘅空氣試圖分辨氣味,就好似搵緊人咁樣」。

當巴士去到一個油站附近「埋站」嘅時候,呢隻狗一度想衝落巴士,但由於嗰個地方位處一條繁忙大街, 一眾巴士乘客都非常擔心呢隻狗會畀車撞到,所以都慌忙阻止呢隻狗落巴士。

最後呢隻狗去到巴拉福特嘅一個巴士轉車站,由車站職員轉交當地動物庇護所暫時照顧。

根據動物庇護所嘅社交媒體帳戶所講,喺佢哋接收呢隻狗嘅時候,發現呢隻狗除咗眼部有少許問題之外,整體健康良好。

至於講返網民廣傳嘅嗰一張相,呢隻狗個樣咁楚楚可憐真係激發到公眾同情,令到好多人關注可唔可以收留呢一隻狗。

根據動物庇護所喺社交媒體嘅講法,佢哋喺呢張相被擺上社交媒體之後,好快就收到海量查詢,不過佢哋需要按照當地法例將呢隻狗先保留最少七日,等佢真正嘅主人嚟到認領。

UPDATEThe dog taken as a stray (1004322272) from Bradford Interchange after taking herself for a ride on a bus is safe …

Posted by Cliffe Kennels & Rescue on Sunday, 20 October 2019

而動物庇護所亦都明言,希望網民唔好一窩蜂咁因為睇到一張喺巴士上影到嘅相,就完全集中喺呢隻狗上面,咁樣只會令到佢哋耗費太多時間喺一隻動物上面――如果網民係有心去協助流浪動物嘅話,其實喺動物庇護所入面有唔少同樣需要有人收留嘅流浪動物,希望網民可以將愛心散發,幫助埋其他動物,「幫輕」佢哋嘅工作。

相比起今次英格蘭人面對呢一隻搭巴士嘅狗嗰種平和同關顧,同類型事件發生喺香港,往往唔少人就只會驚呼狂叫、嚇到跳起咁款,然後或者只會集體去責難巴士車長「做乜畀動物上巴士」。

大家唔好笑… (=_=)”

9/10 抬頭望雨絲 雨風翻開信紙 如何讓你知 活在分開不寫意…🐱醒喇~🤤當九巴ATENU574(TM523)@905喺朝早返工時間遇上喵星人走去上層尾排「思考貓生」…對於一班 #視返工如命…

Posted by 巴士台 HK Bus Channel on Monday, 8 October 2018

唔知大家仲記唔記得2018年10月9號,有一隻貓走咗上九巴ATENU574(TM523)@905上面,結果一班巴士乘客嘅反應係「爭住衝落巴士」,加上警察要拎埋盾牌去處理,令外人以為佢哋喺巴士遇到小怪獸!

11/10[via 01社區]較早前喺九巴ATENU574(TM523)@…

Posted by 巴士台 HK Bus Channel on Thursday, 11 October 2018

常言道:「一個社會嘅文明進步程度同佢哋善待動物嘅態度成正比」。香港人對於自己社區嘅動物,唔少都各走極端,一係盲目放任,一係盲目恐懼…香港社會文明係咪真正好似香港人自己以為咁進步呢?

尤其係當香港執法人員面對一隻貓都需要拎住盾牌去處理,究竟對住人嗰陣,佢哋會以為需要用到乜嘢武力水平呢?諗起都令人心寒。

2 Trackbacks / Pingbacks

  1. 久留馬路巴士來 過街老鼠貼地亡 - 巴士台 HK Bus Channel
  2. 【文明指標】狗仔自己搭巴士 頸圈掛卡識畀錢 - 巴士台 HK Bus Channel

Leave a Reply

Your email address will not be published.


*